Di akuerdo i kumpliendo ku rekomendashonnan di gobiernu i nos reglanan di bon suidadano pa protehá nos komunidat durante e epidemia di COVID-19; Arcos Dorados, operadó di e marka McDonald’s na Kòrsou, lo sorb su klientenan solamente via di AutoMac (drive thru). Esaki kiermen ku e resonant lo no ta habrí pa publiko kuminsando awe te ku próksimo aviso. E restaurant di McDonald’s na Punda lo permanesé será te ku próksimio aviso.

E decision aki ta bini ku medidanan preventivo pa evitá e kresementu di e virus COVID-19 i e ta aliniá ku e rekomendashonnan di autoridatnan lokal inkluiendo e anunsio di Promé Minister di Kòrsou.

E desishon aki lo no impaktá salario di nos empleadonan, komo ku nos lo sigui paga salario di kada un di nos empleadonan mientrastantu e situashon aki prevalesé, i dunando asistensia ora mester.

Arcos Dorado a intensifiká su métodonan di higiena i seguridat alimentario pa sigui ofresé produktonan di McDonald’s pa medio di AutoMac (drive thru). E kompania a aumentá frekuensia di desinfekshon di man pa tur su empleadonan -di kual den sirkunstansia normal ta un prosedura obligatorio kada ora- i  ta desinfektá ku mayor frekuensia tur superfisie ku ta den kontakto ku públiko.

“Na McDonald’s, nos prioridat prinsipal ta pa protehá salú di nos empleadonan i klientenan. Nos ta komprometé pa ahustá operashon pa sigui ofresé un alternativa pa nos kliente nan por tin akseso na nos kuminda durante e emergensia aki; re-enforsando nos standartnan di seguridat di alimento, limpiesa i higiena,”  segun Jennifer Poulina, Market Manager at Arcos Dorados Curacao.