WILLEMSTAD.-Un ratu pasa sra. Giselle McWilliam a kaba di huramentá dilanti su ekselensia gobernador di Kòrsou sra. Lucille George-Wout. McWilliam ta remplasá Kenneth Gijsbertha k upa basta luna tabata okupá e puesto di minister di finansa i esun di ekonomia despues ku Steven Martina a entrega su retiro. Martina a entrega retiro despues ku frakshon di Kòrsou di Nos Tur a entrega keho contra di dje pa su posibel embolbimentu den oumentu di tarifa di seguro di outo djis despues ku el a kaba di sinta komo minister.

Kòrsou a keda demasiado luna sin un minister di ekonomia, sigur den un periodo ku mas tin mester di liderazgo fuerte na timon di nos desaroyo ekonómiko. Tur klase di éksito na sra. Giselle McWilliam sperando ku e lo por duna e empuhe nesesario na proyektonan ku mester kuminsá drai i asina krea kupo di trabou pa habitantenan di e pais aki.