WILLEMSTAD. - Djaluna mainta entre apróksimadamnte 09:45AM te ku 11:45AM, Polis di Aeropuerto den kolaborashon ku Kuerpo Polisial di Kòrsou (KPC), Ambulance i Brantwér, a tuma medidanan di prekoushon na e area di Yegada (Arrivals) na Aeropuerto Internashonal di Kòrsou, durante investigashon di un tas bandoná. A evakuá e area i temporalmente a limitá akseso na aeropuerto. Pa apróksimadamente 11:45AM spesialistanan di eksplosivo na KPC a deklará e area komo safe atrobe. Tabata trata di un tas bandoná den baño den e area di ‘baggage claim’. E area a ser evakuá na momentu ku pa medio di ekípo di seguridat a detektá supstansia notabel den e tas. A guía biaheronan i usuario ku tabata den apróksimidat di e area pa sitionan dediká na evakuashon. Durante e investigasonn a limitá akseso pa aeropuerto i tabatin un buelo ku a sali ku retraso. Despues ku Kuerpo Polisial a deklará e tas i e área komo ‘safe’, por a reanudá operashon na aeropuerto.