WILLEMSTAD.- Den wikènt benidero lo tin e festival di Kaya Kaya den Otrobanda. Den e kuadro aki tin diferente medida ku ta bai tuma pa asina por sera sierto kayanan.

E entrada pa públiko ta na Frederikstraat (Entrada) dilanti di Netto Bar, i e di dos entrada ta na Hoogstraat banda di Arubastraat na e lusnan di tráfiko. Esaki ta nifiká ku dia 24 di ougùstùs e siguiente kamindanan lo ta será for di 07:00 AM te ku 03:00 AM:

Arubastraat pa St. Tomas, Witteweg na Toko Pancho, Frederikstraat for di e T-kruising na Netto Bar te ku Arubastraat, Naniestraat i Brionweg solamente na e T-kruising na De Velt).

Durante e konstrukshon di e konstrukshon di entrada aki lo tene kuenta ku aksesibilidat pa polis, bombero i ambulansnan.

Medida

E krusada for di A.A. e Lannoy-Willems Blvd pa Arubastraat lo wòrdu hasi smal di 2 pa 1 kaya pa medio di bari y bòrchi te na e viadukto na Otrobanda. E seramentu aki lo tuma lugá djasabra 24 di ougùstùs 2024 di 7:00 AM pa 25 di ougùstùs di 3:00 AM.

Breedestraat lo ta será for di e krusada pa Kortijnweg i ta aksesibel solamente pa abitantenan, polis, kuerpo di bombero, bùs, taksi i otro instansianan di gobièrnu. E seramentu aki lo tuma lugá djasabra 24 di ougùstùs 2024 di 06:00 PM pa 25 di ougùstùs 03:00 AM

Witteweg lo ta será for di e krusada T te ku e Kortenaerstraat i ta aksesibel solamente pa abitantenan, polis, kuerpo di bombero, bùs, taksi i otro instansianan di gobièrnu. E seramentu aki lo tuma lugá djasabra 24 di ougùstùs 2024 di 7:00 AM pa 25 di ougùstùs 3:00 AM

Pater Euwensweg entre e rotònde na CMC y e rotònde na Ergilio Hato (rumbo Renaissance) lo ta sera. E seramentu aki lo tuma lugá djasabra 24 di ougùstùs 2024 di 06:00 PM pa 25 di ougùstùs 03:00 AM

Eksepshon: shuttle bus, polis, brantwer, bus, taksi y otro instansianan di gobièrnu si por pasa.