WILLEMSTAD/KRALENDIJK.-E informashon a yega mesa di redakshon di EXTRA ku e Médiko di Boneiru Michael Hermelijn a bai sosegá. E kaso aki ta hala atenshon komo ku ta trata di e dòkter di kas di Boneiru ku a keda kontagiá ku Corona vírùs anteriormente. A parse ku el a kura i nèt promé ku e bai traha bek lo a haña un rekaida ku a resultá ku mand’e hospital na Kòrsou pa tratamentu mas avansá. Komunidat di Boneiru a biba kada momentu ku e Médiko aki ku sigur tabata un persona masha stimá den e komunidat boneriano. Diputado Elvis Tjin A-Sjoe na nòmber di gobièrnu di Boneiru ta ekstendé palabranan di pésame na famia di e defuntu i ta enfatisá e nesesidat pa tur hende kuida den e tempu aki di Corona.

Forsa na famia di e defuntu i na hinter komunidat di Boneiru ku e pèrdida aki. (Fot EXTRA Boneiru)