WILLEMSTAD.-  Djasabra 12 di mei tabatin un Meet & Greet den kuadro di e Standing Order 1000 Awareness Tour di Ride for the Roses Curacao.  Curd Evertsz vise presidente di e fundashon Ride for the Roses ta kanando mil kilometer pa asina konsientisá I alabes rekoudá fondo pa medio di Standing Order ku un I tur por firma. Esakinan ta pa yuda Prinses Wilhelminafonds den e bataya kontra kanser.

I djasabra a kana for di Wilhelminaplein te na Sentro Prevenshon huntu ku profesor Bob Pinedo.

 Pakiko Fundashon Prevenshon

Pa para ketu na e importansia di prevenshon anto konsientisá nos hendenan tokante esaki. Den MISSION PREVENSHON Señor Curd Evertsz a kana yega Fundashon Prevenshon ayá na Klipstraat Otrobanda kaminda un I tur ta bon biní pa topa ku Staf I Personal di e instituto aki ku ya ta yegando 10 dies aña di eksistensia. Fundadó I forsa dinámiko inkansabel Onkólogo Profesor Dòkter Herbert ‘Bob’ Pinedo su vishon ta ku prevenshon ta un di e maneranan mas mihó I efikas pa kombatí kanser. Prevenshon mediante kontrolnan trempan I bon planeá lo yuda pa si a kaso tin kanser por detektá esaki den fasenan trempan I mas aún por start tratamentu lihé. Sobrebibiensa di e malesa feros akí ta mas haltu si detektá esaki den su fasenan di komienso, hasta promé ku sinti malu mes.

Profesor Pinedo a brasa I ta sostené e inisiativa ‘Standing Order 1000 Awareness Tour’ di Stichting Ride For The Roses rikamente. Huntu ku direktora di Fundashon Prevenshon Señora Louise Elstak I personal di e fundashon nan a habri portanan djasabra pasa pa un I tur bin bishitá Fundashon Prevenshon na Klipstraat di 15:00 pa 17:00. Profesor Pinedo mes tambe tabatei i interesadonan por a top’é papia kuné I interkambiá kuné tokante prevenshon di e malesa di kanser.