OM: Minister mester entrega keho

WILLEMSTAD.-EXTRA a tuma nota un ratu pasá na momentu ku polis a bai atendé ku un persona na altura di misa di Groot Kwartier. E persona tabatin un pankarta basta grandi riba kua e ta indiká; Charles Cooper morto’. EXTRA a trata na komprondé for di e kombersashon ta kiko ta e preokupashon di e siudadano i dikon e ke mira e minister morto, pero nos no a logra komprondé e kaso.

Komo ku ta trata di un menasa EXTRA a puntra Ministerio Publiko kiko ta e prosedura den un kaso asina aki. Menasa kontra di kualke persona ta algu kastigabel i den e kaso aki ta un menasa direkto na un mandatario den funshon.

For di e momentu ku asesiná e lider polítiko di pueblo Soberano na 2013 por a nota ku outoridatnan di pais ta tuma menasanan kontra personanan den funshon hopi na serio. Ministerio Publiko a splika ku minister Charles Cooper por entrega un keho i asina OM ta bai investigá e asuntu mas profundo pa wak si ta yega na persekushon penal di e sospechoso. Mas detaye den edishon di EXTRA>