WILLEMSTAD. - Stichting Uniek Curaçao ta atvertí pa no mishi ku slak grandi ku den temporada di áwaseru ta topa ku nan den Kabouterbos. Esaki ta peligroso pa salú di hende.

Den un nota Uniek Curaçao ta atvertí ku den temporada di áwaseru, ora ku e tera ta saturá, ta topa ku un tipo di slak grandi “Agaatslak” o sea “Giant African Snail”.

No por mishi ku e tipo di slak aki, pa motibu ku e ta karga un bakteria hopi peligroso pa salú di hende.

Si mishi ku e slak aki, e persona ta kore e riesgo ku di por keda infektá ku e enfermedat igual ku Meningítis, ku ta un malesa sumamente peligroso. Pues no mishi!!!.