KSE hopi satisfecho ku komportashon votadónan

WILLEMSTAD.-Konseho Supremo Elektoral (KSE) a ekspresá palabranan di gran satisfakshon na votadónan pasobra e komportashon di votadónan ta sublime. Presidentenan di e diferente urnanan tambe ta hopi satisfecho ku e manera ku públiko a komportá i nan a ekspresá entusiasmo pa kontinuá ku e trabou riba e dia aki. Na palabra Pacheco Römer presidente di Konseho Supremo Elektoral.

Riba e di dos dia di e preelekshon un kantidat mas chikitu di hende a akudí na urnanan pa sostené listanan. Loke a resaltá ta e echo ku awe ta hopi mas trankil ku ayera. Algu mas ku 2300 hende a vota for di 8’or di mainta te 12’or di mèrdia. Di e forma ei e kantidat di hendenan ku a sostené lista entre ayera te ku awe 12’or di mèrdia a yega algu mas ku 12000 voto. KSE ta kere ku pa awe nochi lo yega entre 15000 pa 16000 votadó ku a sostené un lista.

Charles do Rego a duna di konosé ku region di Sta.Maria algu mas ku 600 hende a vota i na Montaña ta alrededor di 450 hende.