WILLEMSTAD.- EXTRA a tuma nota di un app ku ta bai rònt den kua ta indiká ku a registrá e prome kaso di Corona Virus na Kòrsou. E siman aki EXTRA komo korant responsabel, ku pa mas ku 40 aña ta hasi tur esfuerso pa trese notisia serio i verídiko pa nos komunidat, a kuminsá un rúbrika den kua nos ta buska informashon di fuentenan konfiabel manera nos ekspertonan pa asina trese informashon verídiko di Corona vírus. EXTRA no a publika informashon di niun kaso di Corona vírus na Kòrsou! EXTRA no ta publika nada sin pone link pa bai bek website i Facebook di EXTRA!

Ta bon kla ku ta hendenan ku mente maligno, suak i perverso a disidí pa traha otro ‘fake news’ i pone abou ku ta notisia EXTRA. Nos komunidat lokal i den eksterior sa kiko por spera di EXTRA. Nos lektornan paga bon tinu pasobra esnan ku mente malu lo sigui hasi tur esfuerso pa krea pániko i brua tera.