WILLEMSTAD.- Ayera durante oranan trempan di mainta, funshonarionan di e tim multidisiplinario a bai bek na Industriepark Brievengat.

 Esaki despues ku for di siman pasa a konfiská un kantidat grandi di palètnan di serbes ku ya a kaduká. Den e serbesnan mayoria ta di e marka Zulia kual tabata 75 palèt, 3 palèt di serbes Heineken i 8 di San Pelligrino.

Ayera a bai bek i riba diferente trùk a transportá tur e palètnan ku seguridat di Polis pa landfill Malpais kaminda a destruí nan mesora i tapa e buraku ku tera pa evitá ku deskonosínan por bai i kue esakinan bek.