WILLEMSTAD.- Ayera durante oranan di anochi funshonarionan di MEO, BAB i tambe SOAW a hasi un bishita na Veeris Resort mihó konosí komo Chino.
Na nan yegada a kontrolá dokumentonan i tambe pèrmit di e establesimentu.
Durante di e kòntròlnan a konstatá ku propietarionan no ta dispone di un pèrmit bálido pa por drai e negoshi.
E funshonarionan di BAB tambe a konstatá ku e crib nummer ku tabatin no ta kuadra ku deskripshon di e negoshi.
Durante di kòntròl funshonarionan di SOAW a konstatá ku tabatin un kantidat di empleado sin pèrmit pa por traha.
Na momentu ku tabata kontrolá rondó di e edifisio a deskubrí un kantidat di 6 turtuga grandi bon skondí.
Mesora a yama miembronan di Carmabi debí ku e bestianan aki ta bestianan protehá i e manera ku nan tabata skondí sigur no ta di un manera korekto.
Carmabi a bai ku e bestianan pa asina hinkánan den awa salu i pa wak ku tòg por logra skapa nan bida.
Veeris Resort a keda sera i lo permanesé sera te próksimo aviso.