WILLEMSTAD.- Basá riba keho risibí tokante negoshi di pulpo (sekat) ku fecha di konsumo kaduká, funshonarionan di MEO i GMN a aktivá inmediatamente.
Durante un investigashon previo, funshonario di e dos entidatnan gubernamental ariba menshoná a realisá un bishita relámpago na un establesimentu (depósito) ku ta almasená produktonan di konsumo, situá na Kapiteinsweg z/n (Amerikanekamp).
Estando den e establesimentu a konstatá 189 kaha di 10 kg, total 1890 kg di “octopus” (pulpo) di e marka “Mana Shalom” ku a kaduká na luna di novèmber 2020, pues 5 luna pasá.
E kahanan ku kontenido a ser isolá/apartá, pa próksimamente ser destruí.