WILLEMSTAD – Awe den oranan di mardugá un grupo di 4 turista merikano a bira víktima di un kaso di atrako den Rondeweg na Julianadorp. Tabata tres atrakador relativamente hóben ku a atraká e grupo aki ku tabata konsistí di tres dama i un hende hòmber. Na momentu ku e víktima hòmber a bai resistí kontra di e atrakadornan, un di nan a tir’e den su las. Ku urgensia el a keda transportá pa hospital pa risibí trato médiko. Mas den transkurso di dia lo informá di e vershon ofisial di polis.