WILLEMSTAD.- Djabièrnè Kuerpo Polisial huntu ku Minister di Hustisia Shalten Hato a duna mérito na 7 agente polisial. Ta trata di agentenan polisial ku durante nan patruya a hasi trabounan eksepshonal, hinkando nan mes bida den peliger pa skapa bida di hende.

Agentenan Graaf, Snijders, Geertruida i Heyliger di Warda di Rio Canario, bou di guia di Teamleider Inspektor La Reine, dia 7 di òktober último a skapa bida di un siudadano den Dein ku a keda pegá den su outo. E siudadano aki durante un yobida fuerte di áwaseru a resultá den un situashon ku su outo a keda lastrá hibá den un roi yená ku awa, kaminda ku gran parti di e outo tabata bou di awa.

E otro dos koleganan di warda di Otrobanda Elisa i Felies a skapa un siudadano dia 30 di sèptèmber nèt na momentu ku esaki tabata na punto di bula for di brùg Juliana.

Na e okashon aki tantu Hefe di Kuerpo Ellis komo Minister Hato a hiba palabra felisitando nan pa e bon trabou, ounke eksponiendo nan propio bida na peliger. Nan a haña un bale ku nan por usa i tambe un luna di salario. Un tremendo inisiativa ku lo stimulá agentenan polisial sigui sirbi i protehá.