WILLEMSTAD.- Merkado Fresku ta bèk i nos ta yen energia positivo pa ofresé nos bishitantenan produkto variá, lokal, dushi, bunita i saludabel.

Nos empresarionan chikí i kunukeronan lokal lo ofresé un surtido di mata, yerba, flor bibu, fruta i bèrdura. Vários kos pa kome manera mermelada, pika, dep, kuminda vegetariano, lechi di koko, kuminda Sürnam, panda, pan artesanal, sòpi i kos dushi.

Kosnan natural pa kara, kurpa i kabei, zeta di moringa, prenda, artesania i hopi kos mas. Produktonan saludabel, orgániko trahá na Kòrsou.

Tur hende ta bon biní djasabra awor 29 di mei pa bishitá Merkado Fresku na Hòfi Kalabash, Kaya Bandera # 3, di 8:00am - 1:00pm. Merkado Fresku ta un Merkado den airu liber i entrada ta grátis.