WILLEMSTAD.- Djasabra último merkado kulinario a ekspandé ku inougurashon di e restorant úniko i eksepshonal;  Bambu Restaurant by Just na Madero Ocean Club. Un lokalidat realmente moderno i eksklusivo ku ta pas perfekto ku e ambiente di Madero Ocean Club. Den presensia di invitadonan a kòrta sinta i duna tur presente e oportunidat di eksperensia e arte kulinario ku Bambu Restaurant by Just ta ofresé.

Justin Niessen propietario di Just Rotterdam i Mondi Restaurant & Terrace a uni huntu ku Raymon Vos pa krea e konsepto di Bambu Restaurant by Just, ámbos agregando nan konosementu den mundu di gastronomia i eksperensia kulinario internashonal. Loke ta hasi Bambu Restaurant by Just diferente ta su kumindanan Karibense, “Soul Food”, “Sea Food” i e famoso eksperensia di “Shared Dining”.

“Nos ta hopi ansioso pa e reto nobo aki. Nos staf i pèrsonal no por warda pa nos bishitantenan kompartí nan eksperensia ku nos. Pa establesé un restorant di e taya aki den mi propio Pais ta un soño echo realidat. Maske ku nos Pais no ta pasando den su mihó tempu, ta importansia pa nos mantené e spiritu di positivismo, motivashon i speransa. Si huntu nos kambia nos pensamentu i realisá ku nos no mester warda riba e oportunidat perfekto sino krea e oportunidat perfekto nos lo yega na éksito sigurá.” Justin Niessen ta bisa.

Bambu Restuarant by Just ubiká na Madero Ocean Club ta akapará un total di 80 bishitante i ta ekipá ku tur detaye pa hasi kada eksperensia realmente memorabel. Pa kualkier selebrashon òf evento íntimo e eskoho perfekto ta Bambu Restaurant by Just. Kushina ta habrí for di 10’or di mainta te 10’or di anochi i bar lo ta habri te 12’or di anochi. Ku brasa habri staf i pèrsonal di Bambu Restaurant by Just ta warda nos hendenan lokal i turistanan pa brinda e eksperensia kulinario eksklusivo manera e so por. Pa mas informashon por bishita Bambu Restaurant by Just riba plataforma sosial: @bambucuracao. Bambu Restaurant by Just ta warda ABO!