WILLEMSTAD.- Partido KEM(Kòrsou Esun Mihó) despues di a ser aserká pa diferente piskadó, pa medio di  esaki ta pidi atenshon, pa situashonnan, ku piskadónan ta konfrontá pa ehersé nan profeshon.
Na e diferente wafnan di piskadó, ta reina un total deterioro den mantenshon di kamindanan, pa nan por yega na nan fasilidat i un falta total di mantenshon di esakinan. Iluminashonnan ku no ta funshoná, yerba shimaron, ku ta stroba piskadónan trafiká na un manera responsabel, fasilidatnan sanitario, ku no ta funshoná i diferente waf pa mara nan boto ta deteriorá.
Partido KEM, ta di opinion, ku lihé algu mester ser hasi na e deskripshon ariba menshoná.
Señor Michelangelo Martines, lider polítiko i alabes miembro di parlamento, ta di opinion, ku piskadónan di Kòrsou, meresé un mihó trato i atenshon. Nan ta ehersé un difísil i peligroso profeshon, pa honradamente gana nan pan di kada dia. Piskadónan ta trese tambe kuminda fresku pa pueblo.
Partido KEM pa finalisá, ta spera, ku atenshon ta ser butá i drecha, pa satisfakshon di
piskadónan.