WILLEMSTAD.- Den un sentensia e siman aki wes a disidí ku mester para e trabounan di konstrukshon di e proyekto Ritz den Skalo. Esaki despues ku bisiña di e proyekto aki manehá pa Curacao Vastgoed a entamá un kaso den korte. E kaso ta kontra di Johannes Robben i tambe e proyekto di Ritz, fundashon Consulaat Appartementen SPF, E-Trading Suites NV.

CV ta propietario di algun edifisio kaminda tin entre otro ofisina na Scharlooweg 29 i Scharlooweg 33 i e kasnan patras di Scharlooweg 29 i tras di Scharlooweg 31. E kasnan aki ta pega ku Scharlooweg 25 ku ta propiedat di SPF i ETS.

Dia 20 di mei i 25 di mei e aña aki minister di VVRP a duna permit di konstrukshon na Scharlooweg 25 pa por konstruí un pisina i tambe 40 studio. Tambe a duna permit pa konstrukshon di un kas di pisina ku pega na dje WC, jacuzzi i pomphuis. E permit pa e pisina i studionan ta riba nòmber di Robben i e sobra nan riba nòmber di ETS. TRRE ta desaroyadó di e proyekto.

default

CV a bin korte pa oponé e konstrukshon di e studionan. CV ta bisa ku e pèrmitnan di konstrukshon ta kontra di reglanan eksistente. Entre otro den e opheshon tin ku e proyekto no ta ‘grens’ ku kaminda públiko i esaki no por i sigur no ta kumpli ku loke brantwer ta eksihí. CV a laga pone un heki ku ta ‘grens’ ku e tereno na luna di ougùstùs i Robben a splika den email riba esaki ku nan tabata bai pone un muraya einan, despues ku nan kaba di basha flur i pisina. Pero CV a informe ku e por hasi esaki pasando riba su mes tereno.

CV a pidi wes pa para e proyekto di The Ritz Residence i tene asina te ora e por kumpli ku e kondishonnan den e permit di konstrukshon i den dje ta inkluí e kondishonnan di brantwer. Tambe CV ta pidi wes pa prohibí Robben pa subi e terenonan di CV i tambe pa e keda prohibí pa kousa daño na e hèkwèrk ku a pone òf asta pa kita esaki.

Robben tambe na su turno ta eksihí pa CV kita e heki ku el a pone denter di 7 dia i tambe pa CV duna su kooperashon na TRRE, ETS i òf SPF pa nan por pone un muraya na ‘grens’ na kura ku otro.

default

Robben ta bisa mas aleu den su demanda ku abase BW, pa eksihí ku CV duna su kooperashon pa pone un muraya na e rant di e terenonan di meter i mei. Esaki pa asina por garantisá e privasidat di wéspetnan. E ta bisa ku e tin urgensia den konstruí e muraya menshoná.

Wes den su sentensia ta tuma e desishon pa prohibí Robben pa sigui ku e konstrukshonnan i pa mantené asina miéntras e no ta kumpli ku e permit di konstrukshon segun e kondishonnan di brantwer. Ta sentensia Robben den e gastunan di prosedura. Pa loke ta e demanda di Robben, wes ta rechasá esaki.