Áwaseru a kai for di mardugá te mainta

WILLEMSTAD.-Servisio Meteorológiko (Meteo) a kaba di emití un anunsio den kua ta kanselá e notifikashon di preokupashon pa mal tempu. Imágennan di satélite i radar ta mustra ku e área di mal tempu no ta forma un menasa mas pa Kòrsou.

For di ayera nochi/mardugá Áwaseru a kuminsá kai na gran parti di Kòrsou. Meteo a saka un anunsio mas o ménos 2’or di mardugá den kua ta informá di e situashon aki di tempu. Den e notifikashon Meteo a indiká ku por spera Áwaseru te awe mainta 8’or mas o ménos. Tambe a antisipá ku e Áwaseru lo ta kompañá pa bientu fuerte  i welek. Di brantwer EXTRA tin informashon ku kasi no tabatin informashon di daño na kasnan, loke por ta un indikashon ku hendenan a kuminsá tuma prekoushon.