WILLMSTAD – Den  Meteo su pronóstiko di tempu pa Kòrsou awe mainta i ku ta bálido te djaweps mainta 06:00 ta indiká ku tempu por lo general parsialmente nublá ku chèns pa un áwaseru lokal. Kondishon atmosfériko lo keda pèrkurá pa mas nubia move de bes en kuando riba nos region. Algun di e nubianan aki por generá momentunan di un áwaseru riba sierto parti di nos isla. Tambe tin un área di santu fini prosedente di Sahara ku lo por redusí e visibilidat den nos área un poko. Mas aleu, bientu lo sigui oumentá durante di próksimo dianan. Temperatura máksimo lo alkansá 30ºC i temperatura mínimo 25ºC.
Solo ta sali 06:54 i ta baha 18:44 o.l. Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte; forsa 6 (40 te 50 km/h, 22 te 27 nudo). Kondishon di laman: Moderá ku olanan entre 1 i 2 meter (3 i 7 pia). Perspektiva te djabièrnè mainta: Parsialmente nublá ku chèns pa un áwaseru lokal i bientu fuerte.