WILLEMSTAD.- Áwaseru ta kai na vários parti di Kòrsou den oranan di anochi aki. Un ratu pasa un informashon a kuminsá sirkulá riba retnan sosial indikando ku di parti di Servisio Meteorológiko lo a informá brantwer pa para alerta pasobra Áwaseru lo bai kousa basta daño etc. Meteo den un informe ofisial ta indiká ku esaki ta otro ‘fake news’.

Meteo ta indiká ku na momentu ku nan emití un mensahe di prekoushon òf alerta, semper nan ta inkluí e kolo di atvertensia ku ta pertenesé na e mensahe. Por haña tur mensahe ofisial di Meteo riba e página wep  tambe riba e página di facebook.

Pa loke ta trata e kondishon di tempu Meteo ta informá ku nan lo sigui vigilá e situashon i dado kaso mester emití un alerta nan lo hasi esaki.