WILLEMSTAD - Servisio Meteorológiko Kòrsou a kaba di emití un informashon ku nan ta vigilando e situashon di tempu. Aktualmente tin un ola tropikal aktivo situá parti ost di laman Karibe i ta move wèst ku un posibilidat haltu di 60% pa sigui intensifiká i bira un siklon tropikal durante próksimo 2 dia. Ta antisipá ku e wer asosiá ku e ola tropikal lo pasa den nos área durante mayan pa djabièrnè. Efektonan antisipá ta áwaseru (50-100mm) ku por kousa inundashon na sierto parti di nos isla. Durante áwaseru por tin rafaga di bientu fuerte (35-45 km/ora) ku por okashon lokalmente laman brutu. Welek por kai i kousa daño na aparatonan i otro opheto.