WILLEMSTAD – Meteo di Kòrsou ta informá ku den nan análisis di pronóstiko ta indiká posibilidat di stòf di Shara eksesivo pa nos isla. E kondishonnan aki lo dura for di djabièrnè, 22 di òktober 2021, 09:00 o.l. te djasabra, 23 di òktober 2021, 07:00 o.l.
Impakto antisipá:
*Redukshon di visibilidat
*Alergia di un persona por bira pió òf kousa síntoma di problema di respirashon.
MEDIDA DI PREKOUSHON:
Ta konsehá usuario di boto chikí pa no nabegá leu for di kosta
Keda mas tantu posibel den kas, ku bentana será
Si bo ta sufri di alergia, usa e remedinan anti-alérgiko ku dòkter a preskribí bo
Tene bentana di outo será i usa èrko mas tantu posibel
Limitá aktividat físiko pafó mas tantu posibel i usa tapa boka
Un Mensahe di Prekoushon pa Stòf di Sahara Eksesivo ta un anunsio pa ora ku stòf eksesivo ta posibel (probabilidat ménos ku 30%) pa un peliger natural ku un impakto mínimo.