Update: UN MENSAHE DI PREKOUSHON (KÓDIGO HEL) PA MAL TEMPU TA NA VIGOR PA KÒRSOU

******ANÁLISIS DI PRONÓSTIKO TA INDIKÁ DESAROYO DI MAL TEMPU KU POR TA UN MENASÁ PA PARTI DI KÒRSOU******

E KONDISHONNAN AKI LO DURA FOR DI DJAWEPS, 2 DI NOVÈMBER 2023, 10:00 O.L. TE DJAWEPS, 2 DI NOVÈMBER 2023, 14:00 O.L.

Situashon general: E disturbio ta alehá di e área di nos isla durante di awe den direkshon di parti sentral di Karibe, miéntras tantu esaki ta sigui promové un ambiente faborabel pa desaroyo di áwaseru den e region. Tambe aktividat di welek ku bos lo sigui afektá parti di nos área te awe nochi. Mas ainda, e suela ta sufisiente saturá i kualke awa ku por kai lo kondusí na un sirkunstansia ku molèster di awa. Aserkando fin di siman, sin embargo ta antisipá ménos posibilidat di áwaseru, miéntras e forsa di bientu ta oumentá un tiki.