WILLEMSTAD.- Servisio meteorológiko den nan pronóstiko di awe 11 or di mainta a duna di konosé ku un ‘tropical wave’ ta biniendo den nos region. Te ainda no ta konosí kon fuerte e tropical wave por bira. Meteo ta konseho pueblo di Kòrsou pa informá nan mes dor di sigui boletin meteorológiko, bishitá http://www.meteo.cw i sigui Meteo riba Facebook na: http://www.facebook.com/Meteorological.Department.Curacao/. Den e próksimo dianan lo tin mas informashon tokante e tropical wave.
Durante di próksimo 24 ora, ta antisipá ku kondishon atmosfériko lo bira gradualmente faborabel pa desaroyo di algun nubia riba nos region. Prinsipalmente durante mainta, algun di e nubianan aki por generá un áwaseru lokal riba nos isla.