WILLEMSTAD.-Servisio Meteorológiko ta manda señalnan di alerta pa awe djabièrnè 18 di sèptèmber  i a pone kódigo oraño na vigor pa kalor eksesivo pa Kòrsou.

Ta antisipá impakto di “zonnesteek”, kansansio i kram ta posibel debí na  kayente. Tambe malesa debí na e kayente ta posibel si ekstendé aktividat físiko den kayente òf keda den kalor pa tempu largu.

Tuma medida di prekoushon. Si mester hasi kualke aktividat pafó, bebe hopi awa i evitá di hasi muchu esfuerso. Tambe si e kurpa no ta sinti bon sosegá den fresku mas lihé posibel.

Meteo ta splika ku e terminologia Vigilansia pa Kalor Eksesivo ta indiká ku tin posibilidat ku e temperatura ta laga sinti hopi mas haltu dentro di e próksimo 3 pa 12 oranan.