WILLEMSTAD.-Servisio Meteorológiko den un informe ta indiká ku un área di mal tempu riba  e parti nort di Venezuela ta move den direkshon nort. Pa e motibu ei ta antisipá ku e área aki por alkansá Kòrsou durante oranan di atardi. Ta kalkulá ku e impakto pa Kòrsou lo ta un djis aki, awe tardi entre 3’or i 5’or. Áwaseru por kousa inundashon lokalmente. Laman por bira brutu na kosta sur i wèst i kousa posiblemente daño na botonan. Ráfaga di bientu por kousa destrukshon, welek por kai i kousa daño na aparatonan i otro ophetonan.