WILLEMSTAD.- Servisio Meteorológiko Kòrsou ta sigui vigilá e disturbio riba Osean Atlántiko entre di Afrika i Área di Karibe ku hopi atenshon. Por lo pronto e sistema aki no ta forma un menasa pa nos isla. Segun pronóstiko, e disturbio aki lo por bai influensia e tempu den nos área durante di otro siman, entre djárason i djaweps. Ta sugerí e públiko en general pa sigui nos boletin di tempu aktualisá relashoná ku e sistema di tempu aki.