WILLEMSTAD.- Direktiva di Movementu Futuro Kòrsou (MFK) ta informá, ku nan a tuma nota di e insidente ku a tuma lugá entre un Minister di MFK i e hefe di ontvanger.
For di aña 2020, MFK a kambia e forma di manehá e organisashon, kaminda transparensia, disiplina i rèspèt mester ta sentral, i nan a bin ta implementá e balornan aki di un forma rígido.
Mas aleu MFK ta bisa, ku nan maneho interno aki a duna resultado i esaki tabata visibel den elekshon di añanan 2021 i 2025
Direktiva di MFK ta para pa trato igual i hustu, esei ta motibu ku direktiva ta tratando e insidente menshoná di forma serio, i ku e diskreshon nesesario.
Den kurso di e siman aki, direktiva di MFK lo tuma un posishon i komuniká esaki ku miembronan i pueblo di Kòrsou. Tambe e direktiva a indiká ku pa awor aki lo no duna mas deklarashon na prensa.