WILLEMSTAD - E dianan aki Obispu Monseñor Luis A. Secco ta na Islanan Ariba pa konfirmashon di mucha/hóbennan di Statia, Saba i Sint Maarten. Dado momentu djasabra último na Sint Maarten e no tabata sinti bon i e mes a disidí di bai hospital di Sint Maarten.

Awor e ta bou di opservashon médiko i a hasi un par di tèst pa por determiná su kondishon físiko. Danki Dios, tur e tèstnan a sali ku bon resultado. Na e momentunan aki a haña e bon notisia ku segun e dòkternan monseñor ta kla pa sali hospital i ku grasia di Dios ta spera su pronto regreso aki na Kòrsou.

“Miéntras tantu nos ta sigui resa pa su salu i su pronto rekuperashon kompleto,” asina a komunikado di Obispado ta finalisá bisando.