WILLEMSTAD.- Relashoná ku e rumornan ku a surgi durante di wikènt ku ta tras di lomba ku lo tabatin iregularidat ku premiashon di elekshon pa embahadornan di Karnaval di Kòrsou, ayera tardi Angelo Virginie, presidente di hurado a duna su vershon kon ta evaluá i e kontròl ku tin riba yenamentu di puntuashon.
Angelo pa algun aña kaba ta fungi komo presidente di hurado pa e elekshonnan pa embahadornan di Karnaval di Kòrsou.
‘Un kuerpo di Hurado ta eksigí sierto étika di konfiansa. Fundashon JAG ta skohe su miembronan di hurado i riba e djárason òf djaweps promé ku elekshonnan nos ta reuní i ta repasá e reglanan pa tur hende sa kiko mester husga. Esaki tantu pa elekshon hubenil, tiner i grandi. Tambe ta repasá e sistema di puntuashon. Pa e aña aki mester a konsentrá riba e partisipantenan ku por komuniká. Pa elekshon di Reina, Prens i Pancho adulto e hurado mester a konsentrá riba e kombersashon’, asina Angelo a splika. Tin 3 grupo di hurado, inkluyendo un ku ta husga e trahe apart. Angelo a enfatisá ku e ta revisá tur puntuashon. ‘Mi ta revisá blachi pa blachi. Mi ta dòbel chèk e puntuashon ku esun ku ta yena e puntuashon’.
Finalmente por konkluí ku e informashon ku tabata sirkulá ta un eróneo mirando e splikashon amplio ku Angelo Virginie a duna riba e manera ku ta kontrolá puntuashon di e partisipantenan.

LAGA UN KOMENTARIO

Please enter your comment!
Please enter your name here