WILLEMSTAD. - Yu hòmber di Wiels ku tambe tabata presente henter e siman den korte apelashon durante kasonan Germanium, Passaat i Maximus i a haña palabra na final di e tratamentunan.

El a bisa ku su tata tabata un hòmber hopi importante den komunidat. Na momento ku el a bai wak su tata ku no tabata na bida mas, el a konta 11 buraku di bala na su kurpa i ta kere ku su tata no a meresé di a wòrdu matá di e forma ei.

Segun e yu hòmber, mas di 7 aña nan ta bezig ku e kaso aki ku ta hopi duru pa nan.

El a splika ku su tata semper a para nan tras i awor ku e no tei mas e mes por defendé su mes.

Segun e yu hòmber den kaya no tin kuenta di sèn ni nada. El a splika ku e tabata “face to face” ku Elvis Kuwas. E ta skucha yen historia ku a bin dilanti den media, pero no tur kos a wòrdu bisá kompletamente. Na final el a bolbe ripití ku e ke bolbe bisa di tabata “face to face” ku Kuwas.