WILLEMSTAD.- Den oranan tempran djabièrnè 11 di sèptèmber, tim di maneho di Fòrti a keda notifiká ku un miembro di personal ku ta laborá den un departamento na e Ministerio di Asuntunan General a tèst positivo pa COVID-19.

Ku e informashon aki, mesora tim di maneho a tuma kontakto ku Departamento di Epidemiologia pa asina deliberá e siguiente pasonan pa ku trabounan di ‘contact-tracing’ ku ya tabata tumando lugá i tambe eventual medidanan di prekoushon pa seguridat di demas koleganan den e departamento enkuestion i tambe henter Fòrti.