WILLEMSTAD.- Ayera sigur tres sindikato a tene reunion pa nan miembronan riba e disputa ku gobièrnu pa paga loke ku debe nan. Miembronan di tantu ABVO, NAPB i SITEK a indiká durante un reunion general informativo ku nan ta eksigí pa gobièrnu eliminá e lei di kòrta ku 12,5 porshento den kondishon laboral di ámtenarnan i personal igual ku forsa retroaktivo te promé di yanüari 2023. Tambe ABVO a sinta ku su penshonadonan miembro pa splika dikon nan no por haña indexering. E sindikatonan ke sinta ku promé minister Pisas, pero ayera promé minister interino sr. Cooper a bisa sindikatonan pa sinta ku minister Hato mes.