WILLMESTAD – Awe mainta tempran outoridatnan polisial mester a akudí na un snek den Gato pa un kaso di ladronisia. Esaki sinembargo no tabata un kaso komun di ladronisia pero un snek ku simplemente a keda mal pluma lagando nada nada atras.

E snek ántes konosí komo komo Gato Snek, a risibí bishita den oranan di mardugá di kriminalnan ku a yega einan ku solamente un meta i esei ta di bai ku tur inventario di e lugá. Polis tabata buskando e doñonan pa avisá nan pero aparentemente nan ta ku fakansi na China. Esaki lo duna e ladronnan mas oportunidat bai hasi nan trabou kriminal den tur trankilidat. Nan a kuminsá pa kibra e lusnan parti pafó di e snek pa asina den skuridat hasi uso di un ku sleiptol kòrta e porta bai paden. E ladronnan ku a ‘ruim op’ e lugá a bai ku entre otro kahanan di serbes, tur kos den frizer i riba rèki. Polis ta kontinuá ku e investigashon.