WILLEMSTAD. - Den nan pashon pa ofresé e humadó adulto un mihó alternativa, Superior Tobacco Company N.V. un afiliado di Philip Morris International Inc. lidernan den inovashon di produktonan liber di huma a lansa Iqos na Aruba.

Iqos ta e aparato mas avansá di Philip Morris aktualmente, pa loke ta trata uso di tabako pa medio di kalentá. Ta kalentá e tabako konosí komo “HEET” pa medio di teknologia hopi sofistiká. Ya kaba rònt mundu miónes di humadó a kambia pa di sigaria pa e alternativa aki.

Iqos ta produsí un “aerosol” ku ta kontené 90% ménos di kímikonan dañino, di e loke ku sigaria ta produsí.

Konforme evidensianan sientífiko, ta indiká ku esunnan ku a kambia kompletamente pa Iqos, ta kore ménos rísiko pa ku nan salú si nan a sigui huma. Pero mester tene na kuenta ku Iqos no ta liber di rísiko.

Iqos no ta produsí huma i masha tiki holó i tin masha tiki efekto den aire rondó di esun ku ta usa e aparato aki kompará ku esun ku ta huma sigaria.

Mundialmente 70 pa 80 porshento di humadónan a kambia pa Iqos, loke ku ta hasi Iqos e alternativa liber di huma.

Juan Ignacio Suarez, Gerente General pa PMI pa e merkado di Karibe, a duna di konosé ku e mishon di nan ta pa krea un futuro liber di huma i awor humadónan adulto na Aruba tin e oportunidat tambe pa skohe pa un mihó alternativa. Iqos ta un produkto revolushonario pa esunnan ku di un forma òf otro lo sigui huma. Ku introdukshon di Iqos na Aruba, por bisa ku esaki ta un paso mas serka pa hasi sigaria algu di pasado.

Iqos ya tin algun aña optenibel na Kòrsou.