WILLEMSTAD.- Militarnan di ministerio di Defensa den e último dianan, i tambe siman pasá, a praktiká ku eksplosivonan pisá riba tereno di práktika Wacawa. E ehersisio yama ‘Explosive Engineer’ i tin komo meta pa siña  trata eksplosivo den diferente sirkunstansia di tereno i klima. Banda di esei na Wacawa tin posibilidat pa usa kantidat diferente di eksplosivo i eksplosivo spesial. Militarnan por optené konosementu i eksperensia masha útil, segun ministerio di Defensa. Defensa den Karibe a pone na disposishon su kazèrne i tereno di práktika pa e ehersisio.

E militarnan ku ta praktiká e último dianan na Wacawa ta spesialisá  di eksplotá eksplosivo na un manera kontrolá. Gran parti di nan ta di unidat di genio di Ehérsito Real di Ulanda. Durante e práktika tambe tin militarnan di Marina Real i algun militar for di Bèlgika ku ta partisipá. Ayera EXTRA tabata presente pa bishitá ehersisio ‘Explosive Engineer’.

...Riba portrètnan por mira parti di e ehersisio ku yama ‘Explosive Engineer’...