WILLEMSTAD.- Minister di Tráfiko, Transporte i Planifikashon Urbano, sr. Charles Cooper, ayera a informá via di medionan sosial ku el a haña e apoderashon pa por bai asfaltá 14 sitio na Kòrsou. Asina e mandatario a duna di konosé sperando ku lo por sera siman ku un notisia positivo. Segun sr. Cooper, ayera el a haña e apoderashon pa asfaltamentu di 14 sitio na Kòrsou. Esaki ta bai di akuerdo ku e espasio finansiero ku tin pa e sobrá dje aña aki.

Segun e mandatario, pa tur esnan ku ta duda ku Cadushistraat lo ta aden, e por sigurá ku esei lo ta e kaso i e ta aparesé prominentemente komo number-1 riba e lista tambe. Por sierto, tur e 14 trabounan aki ta pa e aña aki mes. Otro aña ora ku haña espasio finansiero den e presupuesto nobo, gobièrnu lo sigui hasi Kòrsou su kayanan pretu pretu. Den e mesun rosea el a bisa pa no puntr’é pa otro kayanan ainda, pasobra e no tin espasio finansiero pa hasi otro kayanan, i komo tal otro aña lo wak esei.

E 14 sitionan ku lo bai haña asfalt ta lo siguiente:

1. 
   

2. Partinan di Cadushistraat;

3. 
   

4. Kaya St. Jacob-A for di Sun Valley te Kaya Merida;

5. 
   

6. Astroidenweg for di Promenade te Antilliaanse Verffabriek;

7. 
   

8. Weg naar Willibrordus for di Kunuku Aqua Resort te Williwood;

9. 
   

10. Weg naar Willibrordus for di Williwood te na playa di Daaibooi, inklusive e lugá di stashoná outo;

11. 
    

12. Architectenweg, for di Caracasbaaiweg te Kaminda Elèktrishèn;

13. 
    

14. Weg naar Wespunt, Lagun te Jeremi;

15. 
    

16. Maalweg for di Caracasbaaiweg te Dr. MLK Boulevard;

17. 
    

18. Schottegatweg West, parti sùit for di rotònde Hariri te Kraamkliniek i Biesheuvel;

19. 
    

20. Kaminda Statius van Eps for di rotònde Wiri, Wacao;

21. 
    

22. Seroe Loraweg na altura di misa Janwe;

23. 
    

24. Gosieweg for di Monreposweg te Topekaweg;

25. 
    

26. Partinan di Schottegatweg West na altura di Gartish;

27. 
    

28. Partinan di Schottegatweg Noord na altura di Beatrixlaan.

29.