WILLEMSTAD - Minister di Tráfiko, Transporte i Planifikashon Urbano, sr. Charles Cooper na momentu ku a bandoná edifisio di Ministerio di Salu na Colon awe mèrdia a topa ku un batayon di miembro di prensa. E tópiko prinsipal tabata e situashon di Minister Sirvania i kiko e resultado ta di e reunion di direktiva di partido MFK ku e minister. Di ningun forma Minister Cooper no kier a duna komentario i a bisa bon kla ku ta direktiva di partido ta atendé ku e situashon ei. Te na momentu nan ei nan no a wòrdu informá di e último akontesimentunan.