WILLEMSTAD.- Ayera minister Shalten Hato a indiká ku el a disidí pa oumentá e sèn di kantina di prezunan. E prezunan ta haña 500 florin na kantina, kaminda nan por kumpra kos ku nan ke den prizòn. Nan famia mester depositá e suma di plaka aki pa nan.
Pero awor e sèn di kantina ta bai bira 750 florin.
Minister Hato a trese dilanti na EXTRA ku el a instruí “Beleidsorganisatie” di ministerio di Hustisia, pa
kana e trayekto di lei Artíkulo 23 di “gevangenismaatregel” 1999, pa kambia esaki den e sentido ku e tarifa di Naf 500 lo bira Naf 750.-.
Ta for di 1999 e sèn di kantina ta na 500 florin, i nunka a konosé un oumento.
E minister a motivá su desishon indikando ku mirando ku produktonan i otro gastunan ku prezunan ta hasi uso for di e sèn di kantina a subi, p’esei e subida di kantina na 750 florin.