WILLEMSTAD.-E sistema nobo ku SOAW a desaroyá ta hustamente e sistema pa solushoná problemanan ku e karchi sosial tabata duna. For di momentu ku a bira konosí ku supermerkadonan lo stòp di tuma e karchi sosial esaki a kousa basta preokupashon serka esnan ku ta den nesesidat i ku ta hasi uso di e karchi aki.

Minister Ruthmilda Larmonie-Cecilia ta kontentu ku su Sekretario General Etienne van der Horst a desaroyá un sistema nobo, esaki ta enserá ku ta stòp di usa e karchi sosial i lo bai rekargá e karchi di banko di klientenan di ònderstant. Esnan ku no ta hañando ònderstant lo risibi un karchi banko kua nan por usa pa hasi kompra di nan nesesidatnan.

Minister Larmonie-Cecilia a indiká ku for di tempu ku a introdusí e sistema di karchi sosial e tabatin problema ku esei pasobra e ta haña ku ta stigmatisá esnan den nesesidat. Pues e sistema nobo ku SG a presentá ta atendé ku e problema aki. E otro punto problemátiko ku tabatin ta ku supermerkadonan tin problema ku nan no ta haña nan sèn lihé manera tabata sosodé tempu ku Krus Kora tabata kordiná e yudansa ku plaka di gobièrnu di Ulanda. Awor ku e sistema nobo esnan ku ta bini na remarke ta haña e sèn riba nan karchi di banko i ku esei nan por hasi kompra na tur supermerkado i mini market rònt Kòrsou. Di e forma ei ta promove kompetensia tambe, asina sra. Larmonie-Cecilia a indiká. Mas detaye den edishon di EXTRA.

1 COMMENT

LAGA UN KOMENTARIO

Please enter your comment!
Please enter your name here