Minister Martina ta aklara; MEO no ta duna pèrmit pa toka ni kontrolá impuesto

Foto File; ambiente den Punda ku tokamente.

WILLEMSTAD.- Deklarashon i grabashon di miembro di parlamento pa Pueblo Soberano, Jaime Cordoba riba retnan sosial tabata motibu pa Ministerio di Desaroyo Ekonómiko (MEO) a yama un konferensia di prensa urgente djamars mainta. Segun Cordoba ta MEO a para algun musikante penshonado di toka den Punda pasobra nan no ta paga impuesto. E deklarashon aki a lidia na e situashon ku funshonarionan di MEO ta konfrontá agreshon verbal i minister di Desaroyo Ekonómiko a haña nesesario pa mas lihé posibel aklará e deklarashonnan inkorekto aki di parti di e parlamentario di Pueblo Soberano .

Segun minister di Desaroyo Ekonómiko Cordoba komo parlamentario mester sa mihó ken ta hasi ki tipo di kontròl. No ta na MEO pa duna pèrmit pa músikonan por toka den Punda i no ta na MEO tampoko pa kontrolá ken ta paga impuesto òf laga. Kontròl riba pagamentu di impuesto ta BAB ta hasi esaki i MEO durante su kontròlnan ta tene su mes na proseduranan estrikto. Pues e informashon di Cordoba no ta kuadra ku bèrdat, minister Martina ta reiterá.

SHARE

LEAVE A REPLY