WILLEMSTAD.-  Minister-presidente Gilmar 'Pik' Pisas awe merdia ta informá pueblo ku 'na e momento nan aki e ta presente na Aqualectra'. Pisas ta bisa ku e ta tumando nota di e situashon aktual.

"E situashon tin su retonan kuné. Pero ku atenshon I dedikashon nos ta sigui traha riba e proseso kompleho aki pa asegurá ku tur bario ta haña koriente", asina Pisas ta bisa.

Kòrsou ta konfrontá ku un black-out for di awe mardugá. Aqualectra a emití un informashon ofisial den kual ta duna di konosé ku e blackout di awe tabata un situashon ku a surgi abrupto. Segun e kompania e e promé prioridat di téknikonan ta pa por resolvé esaki mas lihé posibel i konektá Kòrsou bèk.