Ámtenar no tin interes kon ta yama e animal si ta indexering òf loontrede

WILLEMSTAD.-Tin plaka pa ámtenarnan kobra indexering otro aña? Minister di finansa a duna di konosé ku el a sòru pa pone riba presupuesto plaka pa paga indexering, lumpsum i loontrede na ámtenarnan. El a hinka esaki den presupuesto 2024, 2025 i 2026.

Konseho di Minister a aprobá e presupuesto ei i despues el a bai Parlamento den e di dos siman di Sèptèmber. Tantu minister BPD komo e sindikatonan ta na altura di e sifranan pues no por tin diskushon ku tin sèn si òf no. El a sòru di reserva e plaka pasobra e ta di opinion ku ámtenarnan tin derecho di haña alivio. Pues minister di finansa a kumpli.

Awor aki ta minister BPD, mr. Martina tin ku sinta den CGOA pa negoshá kon kon ta repartí e saku di plaka. Kon ta hasi e repartishon, ken ta haña kiko i pa kua aña esei mester atendé ku minister BPD

Sinfin no ta atendé asuntu di personal. Minister Silvania ta lamentá ku ta bai puntra ministerio di finansa si ta plaka pa paga ámtenarnan loke nan derecho riba dje. E mandatario ta lamentá tambe ku sindikatonan tin 8 luna ta papia den CGOA pero no a logra nèt nèt nada. Ta kiko na ta sinta papia den CGOA anto?

E kosnan aki ta perhudiká e Ámtenar. Ta spera no hasi meskos ku dia a pone sèn pa paga plaka di fakansi, pa despues surgi diskushon ku no por yam’e plaka di fakansi, pero gratifikashon. E Ámtenar no ta interesá ta kon ta yama e ‘animal’ si ta plaka di fakansi, indexering òf San Antonio. E hendenan ke haña nan sèn.

Sindikatonan ta sinta yen di formalidat sin yega na nada. Detayenan di asuntu di personal ta responsabilidat di miniser Martina huntu ku sindikatonan.