E siguiente edishon ta 15 di yüni

WILLEMSTAD – "Djadumingu ku a pasa, Kòrsou ta Move a tuma lugá atrobe na Nieuwe Haven, ku hopi alegria, moveshon i union entre hende grandi i mucha. Ku un programa variá ku deporte, baila, músika i aktividad pa tur edat, e evento spesial pa komunidat aki a keda ser un éksito grandi", asina Ministerio di Salubridat, Medio Ambiente i Naturalesa ta skirbi den un komunikado di prensa.

Ministerio di GMN: "Siguiente edishon lo tuma lugá djadumingu 15 di yüni ku ta Dia di Tata. Durante e edishon spesial aki, nos lo tin sorpresa pa tur tata. Kòrsou ta Move ta tuma lugá dos biaha pa luna, i ta sigui kontribuí na un komunidat mas saludable i uní. Tur hende ta invitá pa partisipá. Bin move, bin disfrutá, bin konektá. Pa mas informashon i update: sigui Kòrsou ta Move riba Facebook, Instagram i Youtube.