WILLEMSTAD.- Ministerio di Edukashon, Siensia, Kultura i Deporte su sektor di Kultura i Deporte a emití un komunikado den kua nan ta informá ku debí na ‘situashon imprevisto’ ta posponé e destaho públiko pa organisashon di Karnaval di 2018 – 2019 te ku dia 28 di ougùstùs 2017 pa 4’or di atardi. E último fecha pa hasi entrega di e oferta lo bira 28 di ougùstùs 5 minüt pa 4 di atardi (15.55). E oferta lo mester ta entregá den un ènvelòp será den e buzon na ofisina di sektor di Kultura i Deporte. E destaho públiko lo tuma lugá dia 28 di ougùstùs pa 4’or di atardi den e sala di reunion di sektor di Kultura i Deporte na Skalo. Pa awe djaluna lo tin un atardi di informashon pa 4’or di atardi pa esnan ku ta interesá i pa esnan ku a buska un ‘bestek’. E sektor di Kultura i Deporte ta urgi tur persona ku a buska un ‘bestek’ pa nan tuma kontakto ku e deportamentu na 461-5133.