WILLEMSTAD.-Minister Susanne Camelia-Römer ta refutá e notisia falsu ku a kuminsá sirkulá awe mèrdia indikando ku lo tin sospecho di un kaso di Corona Virus na Korsou. E informe ku ta sirkulá riba ret sosial ta indiká ku lo ta trata d un dama di nashonalidat chines di 48 aña di edat i ku Ministerio di Salubridat, Medio Ambiente i Naturalesa lo ta rekomendá pa kumpra máskara pa bisti na kara.

Minister Camelia-Römer: Fake News! Di e forma ei a mandatario a reakshoná indikando ku ta dr. Izzy Gerstenbluth ta e bosero pa GMN pues e por duna informashon. E medio di komunikashon bou di kua su nòmber e informe a drenta aire ta bisando ku no ta nan a publiká e informashon.