OM determiná: 
Investigashon ora di soborno, intento soborno, intimidashon, menasa i desórden

WILLEMSTAD. - Ministerio Públiko (OM) Kòrsou ta e siman aki èkstra alèrt relashoná ku elekshon di 28 di aprel 2017. Djabièrnè ta tene elekshon na Kòrsou pa Parlamento di Kòrsou. Ta den interes di Kòrsou i siudadanonan di Kòrsou pa e kontenido demokrátiko di e elekshon ta mas haltu posibel. Ta esensial pa e elekshon tuma lugá di e forma di mas honesto posibel.
Ministerio Públiko ta bai aktua na momentu ku OM risibí señal di posibel kompra i/òf benta di voto. Soborno òf intento di soborno di e derechi di voto ta kastigabel konforme artíkulo 2:44 di Kódigo Penal di Kòrsou. Di soborno òf intento di soborno ta papia ora ta primintí òf duna un regalo.
Un resultado puru di elekshon ta di importansia esensial den un komunidat demokrátiko. Por logra esaki solamente si kada un ta liber pa vota riba e partido di su eskoho I por tene su voto sekreto. Mesora ku un votadó ta laga soborná su mes dor di vota riba un partido polítiko spesífiko òf un persona polítiko, no por papia mas di un elekshon liber.
Ministerio Públiko ta bai investigá tur señal di soborno. Ademas ta bai investigá tur señal di intimidashon, menasa, desórden públiko promé, durante I despues di elekshon.
Ministerio Públiko ta pará pa un elekshon liber sin opstákulo; si resultá nesesario ta envolví Landsrecherche Curaçao pa hasí investigashon.
Konseho Supremo Elektoral ta prohibí sakamentu di portrèt den urna. Ta kastigabel si un portrèt di un papel di vota (stembiljet) ta wòrdu usá pa kumpra òf bende voto. OM ta atvertí ku den tur e kasonan aki ta inisiá un investigashon i ta persiguí esaki.
Kada un siudadano ku ta ser aserká òf sa di soborno, intento di soborno, intimidashon i/òf menasa òf a ser aserká ta ser yamá pa duna e informe aki via telefòn 917 òf anónimo via 108 pa garantisá ku ta investigá e señal nan aki.

Artikel 2:44
1.Hij die bij gelegenheid van een krachtens wettelijk voorschrift uitgeschreven verkiezing door gift of belofte iemand omkoopt om zijn of eens anders kiesrecht hetzij niet, hetzij op bepaalde wijze uit te oefenen, wordt gestraft met gevangenisstraf van ten hoogste twee jaren of geldboete van de vierde categorie.
2. Met ten hoogste dezelfde straf wordt gestraft de kiezer of de gemachtigde van een kiezer die zich door gift of belofte tot een of ander laat omkopen