WILLEMSTAD.-Awe riba Dia Internashonal di Trabou sindikatonan i trahadónan engeneral a bishita misa di Santa Famia i tambe misa di Suffisant unda a tene selebrashon di misa speshal pa e okashon aki. Ámbos selebrashon tabata hopi bon bishitá ku gran kantidat di persona.

Na misa di Suffisant Errol Cova a hiba e diskurso di òrdu den kua el a repasá kon a yega na e fecha di 1 di mei i su nifikashon. El a konta di lucha di sindikalistanan tempu ku e Trahadó mester a traha 16 pa 18 ora pa dia. Cova a para ketu pa splika dikon na Kòrsou ta kuminsá e selebrashon di awe ku misa. Den esaki el a indiká ku den filosofia di iglesia katóliko ta dediká atenshon na e klase Trahadó. Trahadó i sindikalismo tin dos balor grandi ku ta solidaridat i igualdat. Despues a sigui un marcha. Mas detaye den edishon di EXTRA.